Таныс болайық! Байланыста Қарасу ауданының балалар өнер мектебі. Біздің мектеп әр түрлі жастағы балалар үшін ашық. Мектепте 5 бағыт жұмыс істейді, атап айтқанда: музыкалық бөлім-аспаптық орындау, вокалдық, хореографиялық, көркемөнер және сәндік-қолданбалы өнер бөлімі. Бүгінгі таңда өнер мектебіне 500-ден астам оқушы қатысады. Оқыту мемлекеттік және орыс тілдерінде жүргізіледі. Ұйымда 27 педагог қызметін жүзеге асырады  БӨМ мұғалімдерінің басты міндеті-баланың барлық талантын ашу. Сондықтан, қажетті білім беру курсынан басқа, балалар мектептің шығармашылық өміріне белсенді қатысады. Және ол өте бай. Өнер мектебіндегі оқу процесі көрмелермен, концерттермен, байқаулармен тығыз байланысты; жеке қойылымдармен қатар балалар әртүрлі шығармашылық топтарға қатысады. Мәселен, "Sandi dance" би ұжымы "Армандастар"хореографиялық байқауының аудандық кезеңінде 1 орынды иеленді, Туретаева Жанель аудандық "Алтын қазына"сәндік-қолданбалы шығармашылық байқауында 1 орын алды,  "KOSTANAY MUSIC GAMES" "Ансамбль" номинациясы бойынша халық аспаптарын орындаушылардың республикалық байқауында 1 орынды Ж. К. Нұртазиннің жетекшілігімен Жұбай Жазира, Қайнеш Аяулым, Сандыбек Дарина , Данкенова Анель және Ерболат Нұрсұлтан иеленді.  "KOSTANAY MUSIC START" VIII Республикалық Жас музыканттар мен дебютанттар байқауында вокал номинациясында "Мажорчики" вокалдық тобы 2 орын алды. "KOSTANAY MUSIC GAMES" республикалық музыкалық өнер байқауында "Фортепиано соло" номинациясы бойынша Шапель Сара, Шеремет В. В. жетекшілігімен 3 орын алды.  Қорытындылай келе, Қарасу балалар өнер мектебі мұғалімдер мен олардың тәрбиеленушілерінің, сөзсіз ата – аналардың жемісті еңбегі деп айтуға болады. Себебі, біздің қарым-қатынасымыз өзара сыйластық, ізгі ниет пен ынтымақтастық негізінде қалыптасады.